الاكتئاب هو مرض نفسي عنيف وممكن يكون موجود عند ناس كتير من غير ما يحسو وده من اكبراسباب خطورته لانك مبتحسش انك مكتئب.
ممكن تفتكر إنك متدايق جامد شويه وبس وفترة وهتعدي لكن اللي متعرفوش ان الاكتئاب مرض زي اي مرض وليه اعراض وعلاج وكل ما تجاهلتوا كل ما زاد قوته وتأثيره. عشان كده لازم نتكلم عن العلاج النفسي للاكتئاب وايه خطواته واهميته
ايه هو الاكتئاب؟
الاكتئاب هو تغيير في مزاجك وبيكون عبارة عن إحساس حزن كبير وفقدان شغف بالأنشطة اللي طول عمرك بتحبها وليه اعراض نفسية وجسدية واجتماعية
الاعراض نفسية:
- ·الإحساس بالحزن لفترة طويلة او البكاء المتكرر
- ·الإحساس بانعدام القيمة
- ·أفكار كتيره عن الموت أو الانتحار
الاعراض الجسدية:
- ·تغيرات كبيرة في الوزن
- ·التعب او الإرهاق المزمن
- ·آلام جسدية من غير سبب
الأعراض الاجتماعية:
- · الوحدة
- ·تغيرات في السلوك زي زيادة العصبية
- ·صعوبة في حياتك اليومية
طب لو اهملت مرض الاكتئاب ايه اللي ممكن يحصل؟ هل اعراضه خطر اوي كده؟
ايه خطورة اهمال مرض الاكتئاب؟
اهمال الاكتئاب مش هيقصر على صحتك النفسية بس كمان هيقصر على صحتك الجسدية
- التدهور الصحي العام:
الاكتئاب بيزود خطورة الإصابة بأمراض القلب والأوعية الدموية والسكري وغيرها - المشاكل النفسية:
الاكتئاب بيزود التوتر والقلق والاضطرابات في النوم والأكل وبيزود خطورة الإدمان - التأثير على العلاقات الاجتماعية:
الاكتئاب ممكن يعمل مشاكل في شغلك او دراستك وممكن يسببلك مشاكل مع اسرتك ويوديك للعزلة - اضطرابات في الشخصية:
الاكتئاب ممكن يعملك اضطراب في شخصيتك او في صحتك العقلية - خطر الانتحار:
أخطر المضاعفات في مرض الاكتئاب هو التفكير في الانتحار او المحاولة فيهخطوات العلاج النفسي للاكتئاب:
زي أي مرض جسدي، العلاج النفسي كمان ليه خطوات عشان تساعدك على التحسن - التشخيص والتقييم:
دي اول خطوة عشان تعرف ايه نوع الاكتئاب اللي عندك ومدى تعمقه جواك وده طبعا بيتحدد عن طريق الاخصائي النفسي اللي هتروحلوا وعشان كمان يشوف الاعراض الموجودة - اختيار العلاج المناسب:
بعد اما الأخصائي النفسي يشخص الحالة ونوع الاكتئاب، بيختار نوع العلاج من الاكتئاب سواء كان العلاج السلوكي المعرفي، العلاج الديناميكي، العلاج التفاعلي، العلاج الأسري، او غيرها - جلسات العلاج:
بعد مرحلة اختيار العلاج المناسب، بنبتدي جلسات العلاج بشكل منتظم وبيكون فيها مناقشة عن الأفكار والمشاعر وتحديد السلوكيات السلبية وازاي هنتغلب عليها - دعم الأنشطة اليومية:
الدخول في أنشطة كل يوم سواء أنشطة مفضله او جديدة من اكتر الحاجات اللي بتساعد على التعامل مع الاكتئاب زي الرياضة او إنك تمشي على نظام غذائي كويس او تهتم بعلقاتك الاجتماعية وغيرها - المتابعة:
لازم كل شويه تقيم مدى التقدم في العلاج علشان تعرف لو بتتحسن او لو محتاج تغيير في خطة العلاج
